कळत नकळत

कळत असो व नकळत, 

सारे काही घडतच असते; 

वेळेच्या आधी अन् नशीबाहून जास्त, 

कधीच काही मिळत नसते. ~~~~|| ध्रु ||  

असू देत जीवनात कितीही, 

अडथळ्यांनी भरलेल्या वादळरूपी वाटा; 

प्रयत्ऩ असावे आपले अखंड, 

जणू काही सागराच्या लाटा. ~~~~|| १ ||  

पडू देत कर्तुत्वावर आपल्या, 

कसलीही जळजळीत दुष्ट छाया; 

देण्यासाठी दुस-याला आपल्याकडे, 

असावी कायम आभाळा एवढी माया. ~~~~|| २ ||  

दिसं सरती सूर्य उगवती, 

दुनिया गाई आपुले जीवनगाणे; 

नक्कीच होऊ आपणही एकदा, 

स्वत:च्या स्वप्नातील नक्षत्रांचे देणे.... 

स्वत:च्या स्वप्नातील नक्षत्रांचे देणे....!!